Sariosiyo tumanidagi umumta’lim maktablarida yoshlarni harbiy vatanparvarlik ruhida tarbiyalash, o‘quvchilar ongida yurt ozodligi uchun kurash, xalqparvarlik va bunyodkorlik tuyg‘ularini kamol toptirish maqsadida Sariosiyo tumanida joylashgan 49543 – sonli harbiy qismda “Harbiy qismda bir kun" mavzusida tadbir o‘tkazildi. Tadbirda tuman mudofaga ko‘maklashuvchi Vatanparvar tashkiloti, harbiy qism faxriylari, nuroniylar, Sariosiyo tumanidagi 10 va 47- sonli umumta’lim maktab o‘quvchilari va harbiy qism harbiy xizmatchilari ishtirok etishdi.

Tadbir doirasida ishtirokchilar harbiy qism bilan yaqindan tanishish asnosida harbiy xizmatchilar uchun yaratilgan shart-sharoitlar hamda harbiy xizmatchilar tomonidan jangovar chiqishlar, zamonaviy harbiy texnika va qurol-yaroqlar ko‘rgazmasi yoshlarda katta qiziqish uyg'otdi.