O‘zbekiston Respublikasi Vazirlar Mahkamasining 2024-yil 19-sentabrdagi “Keksalar haftaligi” hamda “Keksalar uchun turizm oyligi”ga tayyorgarlik ko‘rish va uni yuqori saviyada o‘tkazish chora-tadbirlari to‘g‘risidagi 28-sonli majlis bayoni ijrosi yuzasidan Sariosiyo tumanidagi 6-21-60-sonli umumta’lim maktablarda “Uch avlod uchrashuvi” hamda “Boysunobod” mahallasida keksalar o‘rtasida shashka-shaxmat musobaqasi o‘tkazildi.

Uch avlod uchrashuvida so‘zga chiqqanlar, faxriylar bosib o‘tgan hayot yo‘llari, tajribalari bilan o‘rtoqlashdilar, bu yo‘lda uchragan mashaqqat va qiyinchiliklar xususida yosh avlod vakillariga hikoya qilib berdi. O‘z oldiga maqsad qo‘yishi va kelajagini rejalashtirishi lozimligi va yoshlarga hayotda o‘z yo‘lini topish, munosib kasb egallash borasida maslahatlarini berdilar.

Shuningdek, Yurtboshimiz tomonidan barcha jabhalarda islohotlarning yuqori darajada amalga oshirilib borilayotganligi, ayniqsa Yurtimiz tinchligi, Xalqimiz farovonligi, Vatanimiz taraqqiyoti borasidagi amalga oshirilib kelayotgan ishlari yuzasidan batafsil tushuntirib o‘tildi.