Bosh prokuratura hamda Surxondaryo viloyat prokuraturasi qurilish shtabi tomonidan Sariosiyo tumanida O‘zbekiston Respublikasi Prezidentining 2021-yil 9-dekabrdagi “Yangi O‘zbekiston” massivlarini qurish va hududlarning ijtimoy-iqtisodiy rivojlanishini ta’minlash chora-tadbirlari to‘g‘risida”gi PF-32-sonli Farmoniga asosan Sariosiyo tumani Lutfkor mahallasi hududida qurilayotgan ko‘p qavatli uy-joylarda amalga oshirilayotgan qurilish ishlari o‘rganildi.

O‘rganishda, qurilish ishlarini sifatli amalga oshirish va belgilangan muddatda foydalanishga topshirish yuzasidan buyurtmachi, loyihachi va pudratchi korxona rahbarlariga tegishli ko‘rsatmalar berilib, ularning ijrosi alohida nazoratga olindi.