Сайёр қабул: Аҳоли муаммолари ўрганилиб, уни ҳал этиш чоралари белгиланди

Бугун, Сариосиё тумани ҳокими Абдуқодир Донаев, туман ҳокими ўринбосари, корхона ва ташкилот раҳбарлари билан биргаликда тумандаги 70-сонли умумтаълим мактабида "Боғиширинъ маҳалла фуқаролар йиғинларидаги ёшлар ҳамда фуқаролар билан сайёр қабул ўтказди.

Сайёр қабулда ёшлар ва фуқаролар томонидан билдирилган фикр-мулоҳазалар, таклифлар ва берилган саволларга туман ҳокими томонидан батафсил жавоблар ва маълумотлар берилди. Хусусан, аҳоли вакиллари томонидан тоза ичимлик суви, ички йўлларни таъмирлаш, трансформатор, ёшларнинг спорт билан мунтазам шуғулланишлари учун спорт зали қуриш бўйича мурожаатлар йўлланди. Аҳолини тоза ичимлик суви билан таъминлаш бўйича йўлланган мурожаати шу ернинг ўзида ҳал этилиб молиялаштириш учун пул маблағи ажратиладиган бўлди, шунингдек маблағ ва муддат талаб қилинадиган мурожаатларни ҳал этиш бўйича мутасаддиларга йўналтирилиб муддат берилди.

Учрашув сўнгида туман ҳокими аҳоли билан очиқ мулоқот қилиш, уларнинг таклиф, ташаббус ва муаммоларини тинглашга ҳамда доимо қўллаб-қувватлашга тайёр эканлигини таъкидлаб ўтди.