Sariosiyo tumani hududlarida 1363 gektar yer maydonidan 5009 tonna paxta hosilini sifatli yig‘ib-terib olish rejalashtirilgan bo'lib, ayni damda ushbu hududdagi dalalarda paxta yig‘im-terim ishlari avj pallaga kirdi. Uyushqoqlik bilan davom etayotgan paxta terish mavsumida qatnashish istagini bildirgan 1800 nafar fuqarolar paxta dalalarida sochilgan rizq-barakani halol mehnat bilan terib olishga o'zlarining katta hissalarini qo'shmoqdalar.

Terimchilarga terilgan paxta uchun ish haqlari o‘z vaqtida to‘lanib, homiylar hamda fermer xo‘jaligi tomonidan rag‘batlantirish bo‘yicha tizimli ishlar amalga oshirilmoqda.

Eslatib o'tamiz, 1 kg paxta uchun 1-terimda 1600 so‘mdan kam bo‘lmagan miqdorda mehnat haqi to‘lash belgilangan.