“Navro‘z” umumxalq bayrami arafasida aholini sifatli va arzon oziq-ovqat mahsulotlari bilan taʼminlash maqsadida, Sariosiyo dehqon (oziq-ovqat) bozori MChJda chorvachilik, parrandachilik, asosiy turdagi oziq-ovqat va qishloq xo‘jaligi mahsulotlari mavjud arzonlashtirilgan savdo yarmarkasi o‘z ish faoliyatini boshladi.

Yarmarkada dehqon, fermer xo‘jaliklari tomonidan yetishtirilgan sifatli va sarxil mevalar, sabzavot va poliz, shuningdek, asal, sut, tuxum, go‘sht kabi oziq-ovqat va qishloq xo‘jaligi mahsulotlari aholiga taqdim etilmoqda.

Bayramoldi yarmarkalarda mahsulotlar narxining bozorga nisbatan arzonligi aholiga manzur bo‘lmoqda.