Абдуқодир Донаевнинг Янгиҳаёт ва Шабнам маҳаллаларида сайёр қабули бўлиб ўтди

Мамлакатимизда инсон манфаатлари олий қадрият даражасига кўтарилди. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.

Шу боис бугун Сариосиё туман ҳокими Абдуқодир Донаев туман ҳудудида жойлашган Янгиҳаёт ва Шабнам маҳалласида бўлиб маҳалла фуқаролари иштирокида сайёр қабул ўтказди. Қабулда маҳалла аҳолиси томонидан эскирган симёғочларни янгисига алмаштириш, маҳалладаги қолаверса 9-мактабда тўпланиб қолган чиқиндиларни чиқариб олиб кетиш, маҳалладаги чорва молларини боқишда яйлов ер ажратиб бериш бўйича мурожаатлар йўлланди. Шу куннинг ўзида маҳаллада тўпланиб қолган чиқиндилар олиб чиқиб тозаланди. Қолган вақт ва маблағ талаб қилувчи мурожаатлар масъулларга йўналтирилиб ижроси назоратга олинди.