Erta tongdan tuman Ichki ishlar bo‘limi binosidan tuman markazigacha bo‘lgan hududgacha bayroqni olib yurish marshi bo‘lib o‘tdi. Tadbirda davlat va jamoat tashkilotlari vakillari, harbiylar, yoshlar hamda keng jamoatchilik faollari ishtirok etishdi.

Sariosiyo tuman Madaniyat markazida bayrog‘imizning 33 yilligiga bag‘ishlangan tantanali konsert dasturi bo‘lib o‘tdi.

Tadbirda "Nuroniy” jamg‘armasi Sariosiyo tuman bo‘limi raisi, Xalq deputatlari Sariosiyo tuman Kengashi deputati S.Qosimov so‘zga chiqib, bayrog‘imizda milliy-tarixiy an’analarimiz, uzoq o‘tmishga borib taqaladigan boy madaniyatimiz, poklik beg‘uborlik, go‘zallik, yaxshilik, donishmandlik, shon-shuhrat va sadoqat kabi buyuk fazilatlarimiz o‘z ifodasini topgani xususida so‘z yuritdi hamda yig‘ilganlarni bayram bilan tabrikladi.