Ijtimoiy tarmoqlarda “Sariosiyo tumanidagi 32-sonli maktabda suv inshooti mavjud bo‘lib, undan 130 ga yaqin xo‘jalikni suv bilan ta’minlab turgan qurilmaning motori kuyib, ishdan chiqqani, ammo mutasaddilar bu holatga e’tibor qaratmayotganligi” haqidagi murojaat yuzasidan quyidagilar ma’lum qilinadi.

O‘rganishda, “Sariosiyo suv ta’minoti” MChJ tomonidan tumanning Niholzor mahallasidagi suv nasosi qayta ta’mirlanib, aholining ichimlik suvi ta’minoti qayta tiklandi.

Bundan tashqari, tuman bo‘yicha suyultirilgan gaz bilan ta’minlanadigan xonadonlar soni 32485 tani tashkil qiladi. Ushbu xonadonlarga bir vaqtning o‘zida 8 ta maxsus gaz tashish avtotransportlarda jadvalga asosan suyultirilgan gaz yetkazib berilmoqda.

Hozirgi kunda mahallalarga suyultirilgan gaz ballonlar 40-45 kunda yetib borishi uchun barcha chora-tadbirlar ishlab chiqilgan, shuningdek Niholzor mahallasidagi xonadonlarga maishiy gaz ballonlar yetkazib berilganligi haqida ma’lum qilinadi.