Bugun Xalqaro qo‘riqxonalar va milliy bog‘lar kuni nishonlanmoqda. Sana 1997-yilda Yovvoyi tabiatni muhofaza qilish markazi va Butunjahon yovvoyi tabiat fondi tashabbusi bilan tashkil etilgan.

Muhofaza etiladigan tabiiy hududlar (METH) butun dunyoda biologik xilma-xillikni saqlashning muhim markazlari hisoblanadi.

Ekologiya, atrof-muhitni muhofaza qilish va iqlim o‘zgarishi vazirligi tasarrufidagi muhofaza etiladigan tabiiy hududlarning umumiy maydoni 6,321 million gektarni (mamlakat hududining 14,08 foizini) tashkil etadi. Muhofaza hududlari tizimiga quyidagilar kiradi: 7 ta davlat qo‘riqxonasi, 1 ta milliy bog‘, 12 ta tabiiy bog‘, 11 ta davlat tabiat yodgorligi, 12 ta qo‘riqxona, 2 ta biosfera rezervati va 1 ta ixtisoslashtirilgan pitomnik – «Jayron» ekomarkazi.

Bu hududlarda O‘zbekiston Qizil kitobiga kiritilgan 102 turdagi umurtqali hayvonlar va 280 turdagi o‘simliklar ro‘yxatga olingan.