Respublika ishchi guruhi a’zosi Eshov Xurshid Xurramovich va Sariosiyo tumani sektor rahbarlari boshchiligida “Mahalla yettiligi” faoliyati bilan bog‘liq muammolarni o‘rganish va tahlil qilish bo‘yicha tumandagi mahallalar raislari, hokim yordamchilar, profilaktika inspektorlari, soliq inspektorlari, xotin-qizlar faoli, yoshlar yetakchilari, mahalla yettilik xodimlari ishtirokida o‘quv-seminari o‘tkazildi.

O‘quv-seminarda mahalla yettiligi faoliyati, mahallalarda aholi muammolarini o‘rganish va hal etish, moliyalashtirish masalalari, aholi orasida tadbirkorlikni keng rivojlantirish, migratsiya masalalari, aholi bandligini ta’minlash, oilalarni mustahkamlash, ma’naviy va ma’rifiy, yoshlar tarbiyasi kabi yo‘nalishlarda bir hafta davomida amalga oshiriladigan ishlar, mahallalar va tuman “yo‘l xarita”larini ishlab chiqish masalalari atroflicha muhokama qilindi.