Ўзбекистон Республикаси Президенти Ш.Мирзиёевнинг  Сурхондарё вилоятига ташрифи давомида фарзанд тарбиясида отанинг ўрни катта эканлигини эътироф этиб, дам олиш кунларида оталар ўз вақтини мунтазам фарзанд тарбиясига сарфлаши бўйича таклифларини илгари сурган эди.

Шу муносабат билан, 29-апрел куни "Фарзанд тарбиясида отанинг ўрни" мавзусида тумандаги умумтаълим мактабларида Оталар йиғилиши ўтказилди.

Ўтказилган йиғилишларда Сурхондарё вилоят ҳокимининг  ўринбосари Илхом Сафаров, тумандаги сектор раҳбарлари ҳамда оталар иштирок этишди.

Йиғилишлар давомида ҳафтанинг шанба ва якшанба кунлари мактабларда ташкил қилинаётган "ОТАЛАР ЙИҒИЛИШИ"да барча оталарнинг фаол иштирок этиши, отанинг фарзанд тарбиясида тутган ўрни, оила-маҳалла-мактаб ўртасида ўзаро ҳамкорликни йўлга қўйиш бўйича оталар билан келишиб олинди.