Yaqinda «Uzun» davlat o‘rmon xo‘jaligi xodimlari hududlarida yolg‘iz kezib yurgan qo‘ng‘ir ayiq bolasini topib olishgani haqida xabar bergan edik.

Kichkintoyning vazni juda oz. Ayiqlar odatda qishgi uyquga ketishdan oldin, sovuq havoda ularni himoya qilib, ko‘klamgacha yetib olishga imkon beruvchi qalin yog‘ qatlamini yig‘ishlari lozim ekanligi inobatga olsak, ayiqcha omon qolmasligi mumkin edi.

Shuning uchun jonivorni Toshkent hayvonot bog‘i qoshidagi reabilitasiya markaziga o‘tkazish lozim deb topildi. Ayni chog‘da u mutaxassislar nazorati ostida, ular ayiqchaga qulaylik yaratish uchun barcha imkoniyatlarni ishga solmoqda.

Bahor fasli boshida ushbu ayiq bolasini «Uzun» davlat o‘rmon xo‘jaligidagi tabiat bag‘riga qo‘yib yuborish rejalashtirilgan (https://t.me/tashzoo/2235).