Sariosiyo tumanida yig‘im-terim jarayoni qizg‘in davom etmoqda

Oltin kuz fasli kelishi bilan dalalarda paxta yig‘im-terim jarayoni boshlab yuboriladi.

Jumladan, Sariosiyo tumanida ham erta bahordan boshlab qilingan mehnatning natijasi oq oltinni uyushqoqlik bilan terish jarayonida faol ishtirok etayotgan terimchilarga qulay sharoitlar yaratish, kunlik terim suratini oshirib borish, paxta tashish uchun traktor va pritseplar, tarozi doim taxt holat bo‘lishini taʼminlash va eng muhimi mehnatga o‘z vaqtida haq to‘lash, ilg‘or terimchilarni muntazam rag‘batlantirishga alohida eʼtibor qaratilmoqda.

Maqsad bitta, qishloq xo‘jalik xodimlarining zalvorli mehnati evaziga yetishtirilgan paxtani ayni kunlarda jadallik bilan terib olish, “Oq oltin” xirmonini barpo etish, xalqimiz turmushining farovonligiga erishishdir.