Assalomu alaykum hurmatli yurtdoshlar!

Avvalo barchangizni kirib kelayotgan yangi yil bilan chin qalbimdan, samimiy muborakbod etaman.

Har bir o‘tayotgan yil yakunida erishilgan yutuqlar sarhisobidan ko‘ngil to‘lishi juda quvonarli, albatta. Shu ma’noda aytishimiz mumkinki, bugun tumanimizda joriy 2022 yil hisobida amalga oshirilgan keng ko‘lamli islohotlar, yangilanishlarni ko'rib barchamiz chin qalbdan mamnunlik his qilmoqdamiz. Chunki ushbu yil mamnuniyat bilan eslanadigan, jumladan, ijtimoiy-iqtisodiy, ma'naviy-madaniy sohalarda zalvorli qadam, yuksalish yo‘lida katta odim sifatida baholanadigan taassurotlarga boy yil bo‘ldi. Shuningdek, Yangi 2023-yilda ham xalqimiz farovonligi va tumanimiz obodligi yoʻlida yangi marralarni belgilab olganmiz. Ushbu marralarni birgalikda zabr etishimizga ishonaman.