Сариосиё туманида "Уч авлод учрашуви" кўтаринки рухда ўтказилмоқда!

Халқимиз кексаларни ҳамиша эъзозлаб, уларга ҳурмат-эҳтиром кўрсатади. Орамизда кекса нуронийлар борлигининг ўзи улуғ неъмат бўлиб, уларнинг панду насиҳати ёшларимиз учун бебаҳо хазинадир.

Ушбу жиҳатлар инобатга олинган ҳолда бугун Сариосиё туманидаги 12-сонли умумтаълим мактабида “Уч авлод учрашуви” ташкил этилди. Учрашувда Сариосиё туман Нуронийлар жамоатчилик кенгаши раиси С.Қосимов, Сариосиё туман бўлинма "ВЕТЕРАН" жангчи-фахрий ва ногиронлар бирлашма Кенгаши раиси Н.Исмоилов ва “Кексалар маслаҳат” гуруҳи аъзолари, ёшлар иштирок этди.

Учрашувда ёши улуғ отахонлар ҳаёти ва меҳнат фаолияти давомида тўплаган бой тажрибаси, ёшлик давридаги ўзига хос қийинчиликлар, меҳнат палласидаги машаққатлар тўғрисида ёшларга сўзлаб берди.