PAXTA TERIM MAVSUMINI UYUSHQOQLIK BILAN O‘TKAZAYLIK

Joriy yilning 9-sentabr kuni “Nuroniy” jamg‘armasi Sariosiyo tuman bo‘limi raisi S.Qosimov, Respublika Ma’naviyat va ma’rifat Sariosiyo tuman bo‘linmasi, Sariosiyo tuman “Xalqobod” mahallasi hududidagi “Qoraboy Tilak” fermer xo‘jaligi tomonidan yetishtirilgan paxta hosilini namgarchilikka qoldirmasdan yig‘ib – terib olish uchun o‘z ixtiyorlari bilan paxta yig‘imiga faol ishtirok etib kelayotgan bir guruh nuroniy onaxonlar va yoshlar esdalik sovg‘alari bilan rag‘batlantirildi.

Shuningdek, mazkur ezgu ishlarda faol ishtirok etishga, iqtisodiyotimizni yuksaltirish yo‘lida ona yurtimiz yanada ko‘rkam bo‘lishi uchun tuman hududidagi barcha paxta dalalarida o‘zlarini munosib hissalarini qo‘shib paxta yig‘im-terimida yelkadosh bo‘lib kelayotgan nuroniy otaxon, onalar va uyushmagan yoshlar ham ishtirok etmoqdalar.