Ёшлар учун ташкилотларда очиқ эшиклар куни бўлиб ўтди

Давлатимиз Раҳбари томонидан ёшлар билан ишлашни янгича тизимда ташкил этиш бўйича белгилаб берилган топшириқларга асосан Сурхондарёда секторлар, ташкилот, идора, бошқарма ва олий таълим муассасалари раҳбарларига ёшлар бириктирилиб, улар билан манзилли ишлаш йўлга қўйилмоқда.

Жумладан бугун Сариосиё туманидаги 4 та сектор раҳбарига бириктирилган ёшлар учун туман ҳокимлиги, прократура, ИИБ, солиқ инспекциясида "Очиқ эшиклар куни" бўлиб ўтди.

Унда иштирок этган ёшлар ташкилотлар ҳамда улар фаолияти билан яқиндан танишиб, раҳбарларнинг иш фаолиятларида бевосита қатнашди ҳамда ёшларга сектор раҳбарлари томонидан китоблар тақдим этилди.

Тадбир якунида ёшлар учрашув мароқли ва бой мазмунга эга бўлганлигини баён қилиб, ўқитувчи, шифокор, ҳоким, прокурор, ички ишлар ва солиқ хизмати ходими бўлиш истагини билдиришди.