Harbiy qismda davra suhbati oʻtkazildi

Bugun, Sariosiyo tumanidagi 49543 harbiy qismda harbiy xizmatchilarning oila aʼzolari bilan "Qoʻshinlarda diniy muhitni sogʻlomlashtirish, shaxsiy tarkib orasida diniy fonni oshib ketishi, islom taʼlimotida Vatan himoyasiga oid fikrlar, ularning diniy nuqtayi nazaridan talqini" mavzusida davra suhbati oʻtkazildi.

Tadbirda, tumani hokimining oʻrinbosari - Oila va xotin-qizlar boʻlimi boshligʻi D.Toshlatova, tumani Ichki ishlar boʻlimi Migratsiya va fuqarolikni rasmiylashtirish boʻlimi boshligʻi podpolkovnik S.Jumayeva, Davlat xavfsizlik xizmati harbiy kontr-razvedka xodimi katta leytenant B.Fayzullayev, 49543 harbiy qism komandiri podpolkovnik S.Rahimov hamda 40 dan ortiq harbiy xizmatchilar va ularning oila aʼzolari ishtirok etishdi.

Oʻtkazilgan suhbati davomida, noanʼanaviy diniy qarashlar va turli norasmiy telegram saytlarida va boshqa ijtimoiy tarmoqlarda yoritilayotgan tasdiqdan oʻtmagan maʼruzalar haqida va ularga qarshi umumiy tushunchalar va tavsiyalar berildi.