Фавқулотда вазиятлар бошқармасида очиқ эшиклар куни бўлиб ўтди

Бугун Сурхондарё вилояти Фавқулотда вазиятлар бошқармаси бошлиғи, унинг ўринбосари ва Сариосиё тумани ФВБ бошлиғига бириктирилган туман ёшлари билан Ёнғин қутқарув қисмига очиқ эшиклар куни ўтказилди. Ташриф доирасида ёшларга шахсий таркиб ва қутқарувчилар учун яратилган шароитлар, ёнғин-қутқарув қисмининг техник имкониятлари, ёнғин ўчириш ва қутқарув махсус техника ва қуролларининг тузилиши ва уларни қўллаш борасида батафсил маълумот берилди.

Шунингдек ушбу тадбир давомида ёшлар ўртасида спортнинг шахмат, шашка, стол тенниси ва футбол турлари бўйича мусобақалар ўтказилди ҳамда жамоа вакиллари совғалар билан тақдирланди. Қолаверса маҳаллий зиёрат масканларига саёҳат қилиш мақсадида Сангардак зиёратгоҳига ташриф буюрилди.

Сариосиё тумани ҳокимлиги