ДХХ кубогига старт берилди

Ўзбекистон Республикаси Давлат хавфсизлик хизмати ҳамда Ёшлар сиёсати ва спорт вазирлиги соғлом турмуш тарзини тарғиб қилиш, ёшлар ўртасида футболни оммалаштириш, шунингдек, улар орасидан иқтидорлиларни аниқлаш ҳамда қўллаб-қуватлаш мақсадида 16 ёшдан 30 ёшгача бўлган ёшлар ўртасида Ўзбекистон Республикаси Давлат хавфсизлик хизмати кубоги учун спортнинг мини – футбол ва футбол турлари бўйича Сариосиё тумани саралаш босқич беллашувларига старт берилди.

Мазкур ДХХ кубогининг саралаш мусобақаси дастлаб, Сариосиё туманидаги 4та сектор кесимида 61 та маҳалла ёшларидан ташкил топган жамоалар ўртасида ҳудудларга бўлинган ҳолда ўзаро куч синашишади. Турнирнинг янгилиги бу йил мини-футбол бўйича қизлар ўртасида ҳам мусобақалар ўтказилади. Ғолиб жамоалар туман, вилоят ва республика босқичларида иштирок этишади.

Мусобақалар 12 апрелдан бошланади.

Сариосиё тумани ҳокимлиги