Sariosiyo tuman hokimi Abduqodir Donayev bugun 1-sektor hududidagi “Nodirabegim” mahallasida joylashgan 56-sonli umumta’lim maktabi binosiga tashrif buyurdi.

Tashrif davomida maktabda tahsil olayotgan o‘quvchilarga o‘quv jarayonida yaratilgan shart-sharoitlar, sinfxonalarning issiqlik tizimi va sport zalida yaratilgan imkoniyatlar ham o‘rganildi.

O‘rganish davomida maktabning ayrim o‘quv xonalarida isitish tizimi talab darajasida emasligi, pol qismi yaroqsiz holga kelib qolganligi, maktab yon atrofidagi daraxtlar butalanmay obodonlashtirish ishlarida kamchiliklarga yo‘l qo‘yilganligi aniqlandi.

Ushbu aniqlangan kamchiliklar yuzasidan maktab direktori va mas‘ullarga muammoni tez fursatda bartaraf etish bo‘yicha ko‘rsatmalar berildi hamda maktabning isitish tizimi holatini qayta ko‘rib chiqish, yaroqsiz holga kelib qolgan pollarni yangisiga almashtirish yuzasidan topshiriqlar berildi (https://t.me/sariosiyohokimligi/21394?single).