Sariosiyo tuman hokimi Abduqodir Donayevning har hafta bo‘lib o‘tadigan fuqarolar qabulidan tashqari mahallalarda sayyor qabullar, aholi va yoshlar bilan uchrashuvlar ham bo‘lib o‘tmoqda.

Jumladan, bugungi sayyor qabul tumanning tog‘li hududi hisoblangan Xonjiza mahallasida o‘tkazildi. Qabulda Xonjiza mahallasi faollari hamda fuqarolari ishtirok etishdi.

Dastlab, tuman hokimi A.Donayev tomonidan Xonjiza mahallasi fuqarolarning migratsiyada yurgan yaqin qarindoshlari bilan bog‘lanib ularni hushyorlikka chorlash haqida tushuntirish va targ‘ibot ishlari olib borildi.

Sayyor qabul davomida, fuqarolar tomonidan ish bilan ta’minlash, ichki yo‘llarni ta’mirlash, elektr ustunlarini yangilash, yaylov yer maydoni ajratish yuzasidan yo‘llangan murojaatlar ro‘yxatga olinib, tegishli tartibda ijroga qaratildi.