Sariosiyo tuman hokimi Abduqodir Donayev ishtirokida Bobur hududidagi Sariosiyo don qabul qilish maskanida kuzgi shudgorlash ishlariga bag‘ishlangan seminar o‘tkazildi.

Unda sektor rahbarlari, qishloq va suv xo‘jaligiga mas’ullar hamda tumandagi fermer xo‘jaligi rahbarlari ishtirok etdi.

Tadbirda 2025-yil hosili uchun kuzgi shudgorlash ishlarini qisqa muddatlarda tizimli tashkil etish masalalari muhokama qilinib, mas’ullarga aniq vazifalar belgilab berildi.

Jumladan, tumanda “Shudgor-2025” shtabini tashkil qilish, texnikalarni shay holatga keltirish, shudgorlash ishlarini fosforli va kaliyli o‘g‘itlar bilan olib borish hamda yerni sifatli haydalishini ta’minlash, bunda mas’ullar tomonidan amaliy ko‘maklar ko‘rsatish yuzasidan aniq muddatlar bilan vazifalar topshirildi.

Shuningdek, shudgorlash ishlari uchun tashkil etilgan otryadlarga oziq-ovqat mahsulotlari topshirildi.