Xalqaro Paralimpiya qo‘mitasi qoshidagi Jahon para atletika tashkiloti O‘zbekiston sportchilarining xalqaro musobaqalarda qayd etgan yuqori natijalardan kelib chiqib, Parij-2024 yozgi Paralimpiya o‘yinlari uchun slotlar taqdim etdi. Ushbu slotlar taqsimotiga ko‘ra, Sharg‘un shahar sport maktabi tarbiyalanuvchisi Marufjon Murodullayev 30-avgustdan 7-sentabrgacha “Stade de France” stadionida bo‘lib o‘tadigan Parij-2024 yozgi Paralimpiya o‘yinlarining para yengil atletika turi bo‘yicha 400 metrga (T47) yugurish musobaqalarida ishtirok etadi.

Marufjon Murodullayevga Parij-2024 Paralimpiya o‘yinlarida yuqori natijalarga erishib, Vatanimizga oltin medal bilan qaytishiga tilakdoshmiz!