Sariosiyo tumanidagi “Visol” tantanalar saroyida 1 oktabr – O‘qituvchi va murabbiylar kuniga bag‘ishlangan tumanning asosiy bayram tadbiri bo‘lib o‘tdi. Unda Sariosiyo tumani ta’lim tashkilotlari mutasaddilari, ilg‘or o‘qituvchilar, tizimda samarali mehnat qilayotgan faxriy ustoz-murabbiylar ishtirok etdi.

Bayram tadbirida Sariosiyo tumani hokimi Abduqodir Donayev ta’lim fidoyilarini bayram bilan samimiy tabriklab, Prezidentimizning O‘zbekiston o‘qituvchi va murabbiylariga yo‘llagan tabrigini o‘qib eshittirdi.

Shuningdek, bir guruh fidoyi ustoz va murabbiylarga tuman hokimining faxriy yorliq va sovg‘alari topshirildi.

To‘kin dasturxon atrofida bayramona o‘tkazilgan tadbirda qiziqarli konsert dasturi namoyish etilib, elimiz suygan san’atkorlar tomonidan ijro etilgan kuy-qo‘shiqlar ustozlarga ko‘tarinki kayfiyat ulashdi.