Avvalo tibbiyot xodimlari timsolida xalq salomatligi yoʻlida oʻz halovatidan kechib, kunni tunga ulab, fidokorona mehnat qilayotgan sharafli kasb egalarini koʻramiz.

Barchamizga ma’lumki, yurtimizda har yili noyabr oyining ikkinchi yakshanbasi O'zbekiston Respublikasi Tibbiyot xodimlari kuni sifatida nishonlanib kelinmoqda. Shu munosabat bilan Sariosiyo tumanidagi “Visol” tantanalar saroyida tibbiyot xodimlari uchun bayram tadbiri tashkil etildi.

Tadbirda tuman hokimi Abduqodir Donayev, sektor rahbarlari ishtirok etib, tibbiyot xodimlariga oʻz tabrigini yoʻlladi hamda ularning mashaqqatli mehnati uchun samimiy minnatdorchiligini bildirdi.

Tadbir davomida, sohaning bir guruh fidoyi xodimlariga tuman hokimligining tashakkurnomasi va esdalik sovg‘alari topshirildi.

Bayram tadbirida tuman Madaniyat bo‘limi xodimlari tomonidan ijro etilgan qo‘shiqlar soha vakillariga ko‘tarinki kayfiyat ulashdi.