Tuman hokimligi katta majlislar zalida tuman hokimi Abduqodir Donayev, sektor rahbarlari, qishloq va suv xo‘jaligiga mas’ul rahbarlar hamda tumandagi fermer xo‘jaligi rahbarlari ishtirokida yig‘ilish bo‘lib o‘tdi.

Yig‘ilishda, tuman hokimi tomonidan mas’ullarga g‘alla o‘rimiga kombayn va tashuv texnikalari shayligini ta’minlash, eksport masalalari hamda go‘za qator oralariga ishlov berish jumladan, chigit ekilgan maydonlarda kultivatsiya ishlarni jadallashtirish masalalarida fermer xo‘jaliklari rahbarlariga reja asosida ishlarni tizimli tashkil etish bo‘yicha tegishli ko‘rsatma va topshiriqlar berildi.

Shuningdek, tuman hokimi tomonidan sohadagi yo‘l qo‘yilgan kamchiliklar bo‘yicha mas’ullarga tegishli tushuncha va ogohlantirishlar berib agrotexnik tadbirlarni tizimli amalga oshirish bo‘yicha navbatdagi chora-tadbirlar belgilandi.