Otalar oila tayanchi

Bugun, tumanning “Ma’dankon” mahallasidagi 1-sonli kasb hunar maktabida, “Feruz” mahallasidagi 5-sonli ixtisoslashtirilgan maktab internatida, 4-sonli umumta’lim maktabida, “Bog‘ishamol” mahallasidagi 5-sonli umumta’lim maktabida hamda “Niholzor” mahallasidagi 32-sonli umumta’lim maktablarida tuman Ichki ishlar bo‘limi boshlig‘i - 3-sektor rahbari M.Amonto‘rayev ishtirokida navbatdagi “Otalar yig‘ilishlari” o‘tkazildi.

“Otalar yig‘ilishi”da, bugungi kunda davlatimiz tomonidan yoshlarga yaratilgan shart-sharoitlar, ular orasida jinoyatchilik va huquqbuzarliklarni oldini olish, uyushmagan yoshlarni bo‘sh vaqtlarini mazmunli o‘tkazish hamda farzand tarbiyasida otaning rolini oshirish, shuningdek, farzandlarining dars mashg‘ulotlariga to‘liq qatnashishi, dars mashg‘ulotlariga uyali aloqa vositalari, o‘tkir tig‘li jismlar va taqiqlangan buyumlar olib kelmasligi bo‘yicha otalar bilan profilaktik suhbatlar o‘tkazildi.