Malayziya davlatida joriy yilning 12-16-iyul kunlari o‘tkazilgan “World Mathematics Invitational” Xalqaro Olimpiadasida Sariosiyo tumani 1-sonli ayrim fanlar chuqur o‘rganishga ixtisoslashtirilgan maktabining ikki nafar o‘quvchi-yoshlari final bosqichida ishtirok etishdi.

Final bosqichida, maktabning 3-A sinf o‘quvchisi Izzatullayeva Shahzoda 3-o‘rinni egallab bronza medalini qo‘lga kiritgan bo‘lsa, ayni shu maktabning 7-A sinf o‘quvchisi Rahmatullayev Baxtovar 4-o‘rinni egallab Merit medali sovrindori bo‘ldi.

Xalqaro matematika olimpiadasi jahondagi eng nufuzli matematika musobaqalaridan biridir.

Yoshlarni amalga oshirilayotgan islohotlarning faol ishtirokchisiga aylantirish, ilm-fanni o‘zlashtirishga bo‘lgan rag‘batini oshirish, izlanuvchanlik va yaratuvchanlik faoliyatiga keng jalb qilish, jahon miqyosida Vatanimiz dovrug‘ini keng taratgan munosib avlodni voyaga yetkazish bosh maqsadimiz ekanligi qayd etamiz.