Ertangi rizq-ro‘zimiz, xalqimizning farovonligi bugun g‘allaning qanday ekilishi bilan chambarchas bog‘liq. Shu sababli har yili oldimizga qo‘yilgan maqsadlardan biri – bu g‘allaning hosildorligini va sifatini oshirish. Shu sababli olimlarimiz tomonidan yangi navlar, duragaylar va seleksiya natijalarini tajribadan o‘tkazish muvaffaqiyatli amalga oshirilyapti.

Bugun, 27 sentabr kuni Sariosiyo tumani "Surxon Golden Treyd" MCHJ dala maydonida 2025 yil hosili uchun ochiq maydonlarda kuzgi boshoqli don ekinlarini ekish bo‘yicha ko'rgazmali  seminar bo‘lib o‘tdi. Seminarda tuman hokimi A.Donayev, viloyat hokimi vakili D.Tangirov, tuman sektor rahbarlari,  Qishloq xoʻjaligi boshqarmasi hamda tumandagi qishloq xoʻjaligiga aloqador tashkilotlar, fermer xoʻjaliklari  va klaster rahbarlari ishtirok etdi.

Seminarda tumandagi 2315 gektar maydonga zamonaviy usulda g'alla ekishning afzalliklari, sarf-xarajatning qisqarishi, unumli hosil olish bo'yicha kerakli tavsiyalar berilgan holda soha vakillari o'zaro tajriba almashdi.