Sariosiyo tuman hokimi Abduqodir Donayev rahbarligida navbatdagi “Hokimlik soati” yig‘ilishi o‘tkazildi. Unda, viloyat hokimligidan tumanga biriktirilgan vakili N.Choriyev, sektor rahbarlari, tuman hokimining birinchi va sohalar bo‘yicha o‘rinbosarlari hamda aloqador tashkilotlar mutasaddilari ishtirok etishdi.

“Hokimlik soati” yig‘ilishida, topshiriq va murojaatlar ijrosi, ijro intizomi, tanlab olingan mahallalarda “Sayxunobod” tajribasi obodonlashtirish va bunyodkorlik ishlarining borishi, kunlik ko‘rsatkichlar tahlili ko‘rib chiqildi.

Shuningdek, hafta davomida bajarilishi lozim bo‘lgan muhim vazifalarni belgilab olish, berilgan topshiriqlar ijrosi, murojaatlarning hal etilishi hamda “Yashil makon” umummilliy loyihasi doirasida amalga oshirilgan ishlar tahlili yuzasidan tarmoq va sohalar mutasaddilarning axborotlari tinglanib, kelgusidagi vazifalar belgilab berildi.