Tuman hokimi Abduqodir Donayev rahbarligida tumanda qishloq xo‘jaligi mas’ullari, paxta to‘qimachilik klasteri, fermer xo‘jaligi rahbarlari ishtirokida g‘o‘zani defoliatsiya qilish, yig‘im-terim mavsumiga tayyorgarlik ko‘rish bo‘yicha seminar bo‘lib o‘tdi.

Sariosiyoda 2024-yilgi paxta yig‘im-terim mavsumini uyushqoqlik bilan o‘tkazish, hosilni yog‘in-sochinli kunlarga yetmasdan yig‘ishtirib olish maqsadida tuman bo‘yicha jami 29 ta terim otryadlari tashkil etilgan.

Seminarda tuman rahbari qishloq xo‘jaligi sohasi mutasaddilarining yig‘im-terimga tayyorgarlik ko‘rish va maydonlarni terimga tayyorlash uchun defoliatsiya tadbirlarini amalga oshirish yuzasidan axborotlarini tingladi. Sohaning malakali mutaxassislari bergan maslahatlarni inobatga olib, defoliatsiya tadbirlarini yengil shaklda amalga oshirish lozimligi qayd etildi.