Qayta tiklanuvchi energiya manbalari qurilmalarini imtiyozli asosda sotib olish uchun platforma ishga tushirildi

Ushbu Platformadan foydalangan holda iste’molchilar quyosh panellari va quyosh suv isitgichlarini 3 yilgacha foizsiz bo‘lib-bo‘lib to‘lash sharti bilan xarid qilishlari mumkin.

Fuqarolar tomonidan qurilmalarni to‘liq xarid qilinganda quyosh panellari xarajatlarining 6 mln so‘mgacha va quyosh suv isitish qurilmalarining 2,1 mln so‘mgacha bo‘lgan qismi davlat tomonidan qoplab beriladi.

Aholi tovar va ishlab chiqaruvchini tanlash huquqi bilan Jamg‘armaning https://energymarket.uz/ onlayn platformasi orqali ro‘yxatdan o‘tish va xarid qilish uchun ariza topshirish imkoniyatiga ega.

Qo‘shimcha ma’lumotlarni Jamg‘armaning quyidagi telefon raqamlari orqali olishingiz mumkin: (77) 070-12-32