Respublika Gidrometeorologiya markazining xabar  berishicha, joriy yilning 26-30-mart kunlari O‘zbekiston hududi bo‘ylab kutilayotgan yomg‘irlar, ba’zi joylarda kuchli bo‘lishi natijasida tog‘li va tog‘oldi hududlarida sel-suv toshqin hodisalarini yuzaga keltirishi mumkin.

Vohamizda asosan, Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo'rg‘on va Muzrabot tumanlari tog‘li va tog‘oldi hududlari hisoblanganligi sababli ushbu hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan zarur ehtiyot choralarini ko‘rishlari so‘raladi.

 Hurmatli fuqarolar, toshqin suvlari, sel oqimlari va ko‘chki hodisalari bilan bog‘liq xavflar yuzaga kelgan taqdirda respublikaning barcha hududlarida faoliyat yuritayotgan tezkor shtablarga 101, 1050 telefon raqamlari orqali murojaat qiling.